مالیگاؤں: گئو رکھشکوں کی کارروائی، گائے کی نسل کے جانوروں سمیت لاکھوں روپے مالیت کے اسباب ضبط،مقدمہ درج

مالیگاؤں (ناؤنیوزاپڈیٹ) بروز سنیچر عیدالاضحٰی کے دن دوپہر میں تقریباً 12 بجے، چھاؤنی پولیس نے گئو رکشا کی مدد سے، زائیلو گاڑی MH 05 AS 5886 سے چار گائے کی نسل کے جانوروں کو سٹانہ ناکہ علاقے سے ضبط کیا ہے۔ جس کی اطلاع گاؤ رکھشکوں کو ایک صحافی کی جانب سے موصول ہوئی تھی۔ ان پر شبہ تھا کہ یہ جانور قربانی کیلئے لیکر جارہے ہیں۔ اس سلسلے میں گاؤ رکھشکوں نے دابھاڑی گاؤں سے مذکورہ گاڑی کا پیچھا کرنے کے بعد دیکھا کہ ایک مہندرا کمپنی کی زائیلو گاڑی مدهور ملن سویٹ کے سامنے مالیگاؤں سٹانہ روڈ پر اسپیڈ بریکر کے قریب ٹریفک جام میں پھنسی ہوئی پائی گئی۔ اس موقع پر مچھندرا شرکے، ولاس جگتاپ للت گورس، بھرت سوریاونشی، سبھاش مالو نے جب دیکھا کہ گاڑی میں چار مویشیوں کو لے جایا جارہا تھا، انہیں رسیوں سے باندھا گیا اور بغیر کسی خریداری کی رسید کے غیر قانونی طور پر جانوروں کی نقل و حمل کی جارہی تھی۔ جب انہیں روکا گیا تو یہاں ڈرائیور اور اس کے ساتھی کو بھیڑ میں موجود کچھ لوگوں نے زدوکوب کیا۔

اس واقعہ کے بعد گئو رکشا سمیتی کی مدد سے مذکورہ مویشیوں کو پالنے کے لیے منگسے گوشالا بھیج دیا گیا ہے۔ اس واقعہ کے تعلق سے ملزم صہیب احمد امتیاز احمد شیخ انیس شیخ رشید کے خلاف پریوینشن آف کرولٹی ٹو اینیملز ایکٹ 1960 کی دفعہ 11 (1) (d) ، مہاراشٹرا اینیمل 1960/42415 پروٹیکشن ایکٹ 15 (1)، (بی)، 9، 9 اے کے شکایت نمبر 1960 کے تحت سیکشن تحت مقدمہ درج کیا گیا ہے۔ انکے قبضہ سے 75,000 روپے مالیت کے جانور اور 1,60,000 روپے کی ایک گاڑی، مجموعی طور پر تقریباً 2,35,000 روپے مالیت کے اسباب ضبط کیے گئے ہیں۔ مزید تفتیش ہیڈ کانسٹیبل لکشمن کیندر سوناونے کررہے ہیں۔ اس طرح کی تفصیلات پریس ریلیز کے ذریعے گئو رکشا سمیتی کے مچھندر شرکے کی جانب سے روانہ کی ہے۔