آصف شیخ کی جہد مسلسل کامیاب ، اہل مالیگاؤں کا 110 کروڑ روپے لوٹنے سے بچا لیا گیا

مبارک ہو مالیگاؤں ، 500 کروڑ روپے کے انڈر گراؤنڈ گٹر اسکیم کا ٹینڈر رد ،آج دوبارہ ٹینڈر نوٹس جاری 

مالیگاؤں تا ممبئی، دہلی اور منی پور تک لڑائی کے نتیجے میں بدعنوان کمشنر کا تبادلہ ہوا 

مالیگاؤں  (راست نامہ نگار) مالیگاؤں شہر میں مرکزی حکومت کیجانب سے منظور شدہ اٹل امرت یوجنا کے تحت ریاستی حکومت کے اشتراک سے انڈر گراؤنڈ گٹر اسکیم کے تعمیری کام کا ٹینڈر مالیگاؤں کارپوریشن نے جاری کیا اور اس کام میں رفتہ رفتہ بڑے پیمانے پر بدعنوانی کی کوشش کی جانے لگی، جسے مالیگاؤں شہر ضلع راشٹروادی کانگریس پارٹی کے صدر آصف شیخ رشید و پارٹی کے ذمہ داروں نے بھانپ لیا اور گزشتہ چھ سات مہینوں سے آصف شیخ نے کارپوریشن کمشنر و سیاسی سرپرستی کو بے نقاب کرتے ہوئے ٹھیکہ داروں کی ملی بھگت سے 110 کروڑ روپے لوٹنے کی تیاری کو ناکام بنا دیا اور اس ضمن میں کمشنر کی بدعنوانی کے خلاف مالیگاؤں تا ممبئی دہلی اور پھر منی پور تک ثبوت و شواہد کیساتھ لڑائی لڑی گئی اور بالآخر مالیگاؤں کارپوریشن کے ایڈمنسٹریٹر و کمشنر بھالچندر گوساوی کو مالیگاؤں سے باہر جانا پڑا اور انکا تبادلہ کردیا گیا ۔اس دوران آصف شیخ اپنی لڑائی میں سرگرم رہے اور آج اہل مالیگاؤں کو بڑی کامیابی ملی ہے ۔اس لئے کہ آج مالیگاؤں کارپوریشن نے 500 کروڑ روپے کے انڈر گراؤنڈ گٹر اسکیم ٹینڈر نوٹس کو منسوخ کر دوبارہ ٹینڈر نوٹس جاری کردیا ہے ۔اس سلسلے میں آصف شیخ نے اس عظیم لڑائی پر ملنے والی کامیابی کا سہرا مالیگاؤں کی عوام کے نام کیا ہے انہوں نے اہل مالیگاؤں کو مبارک باد دیا ہے کہ آج شہریان مالیگاؤں کا 110 کروڑ روپے لوٹنے سے بچا لیا گیا ہے اور کارپوریشن کمشنر و سیاسی سرپرستی میں جاری بدعنوانی کو پورے شہر کے سامنے بے نقاب کیا گیا ہے ۔یہ آصف شیخ رشید کی جہد مسلسل اور سخت عوامی لڑائی کا نتیجہ ہے کہ آج اہل مالیگاؤں کو یہ شاندار کامیابی ملی ہے جس سے عوامی خزانے کا 110 کروڑ ڈوبنے سے بچایا گیا ہے ۔اسطرح کی تفصیلات آصف شیخ کے توسط سے اس لڑائی میں معاونت کررہے شکیل جانی بیگ و اسلم انصاری نے دی ۔