ملک و بیرون ممالک کے ریسرچ اسکالرس کی شرکت، سائنسی نقطہ نظر سے طب نبوی پر پیش کرینگے تحقیقی مقالے
مالیگاؤں ( پریس ریلیز ) زمانہ قدیم سے لے کر زمانہ جدید تک طب کے شعبے میں جہاں بے پناہ ترقی دیکھی گئی ہے۔ وہیں طبی پیچیدگیوں میں بھی اضافہ ہوا ہے۔ باوجود ان تمام سائنسی تحقیق اور ترقی کے آج کے دور میں کئی ایسے مہلک امراض ہیں جن کا سائنسی علاج اب تک دریافت نہیں ہو سکا ہے۔ ایسے حالات اور ایسی صورت حال میں طب نبوی ہمارے لیے صحت کے حوالے سے مشعل راہ ہے۔ اہل اسلام نے ہر دور میں طب نبوی سے استفادہ کیا اور یہی وجہ ہے کہ طب نبوی کو آج بھی ایک خاص اہمیت حاصل ہے۔
ریاست مہاراشٹر کے مسلم اکثریتی شہر مالیگاؤں کی قدیم دینی و عصری درس گاہ جامعہ محمد یہ ایجو کیشن سوسائٹی المعروف منصورہ کیمپس کے زیر انصرام سن 1981 سے جاری محمد یہ طبیہ کالج اینڈ السائر ہاسپٹل ( منصورہ یونانی میڈیکل کالج ) کی جانب سے " طب نبوی " کے عنوان پر دو روزہ انٹر نیشنل کانفرنس کا انعقاد بروز پیر 11 دسمبر تا بروز منگل 12 دسمبر 2023 کو کیا گیا ہے۔ اس ریسرچ کانفرنس کا مقصد طب نبوی کو ترقی و فروغ دینا ہے اور ساتھ ہی جدید میڈیکل سائنس میں دن بہ دن ہو رہی ترقی و تحقیقی میں طب نبوی کی اہمیت وافادیت کو پیش کرنا ہے۔ اس کا نفرنس میں ملک و بیرون ملک کے ریسرچ اسکالرس اور یونانی میڈیکل کالجوں میں زیر تعلیم طلباء و طالبات طب نبوی پر تحقیقی مقالے پیش کرینگے۔
جامعہ محمد یہ ایجو کیشن سو سائٹی کے چیئر من جناب ارشد مختار ندوی صاحب کی ایماء پر، جناب راشد ارشد مختار صاحب (سیکریٹری، جامعہ محمدیہ) اور جناب بلال ارشد مختار (سیکریٹری، محمد یہ طبیہ کالج) کے زیر قیادت دو روزہ انٹر نیشنل کانفرنس بتاریخ 11 تا 12 دسمبر جامعہ طبیہ کالج (یونانی میڈیکل کالج) میں منعقد کی جارہی ہے۔ اس کانفرنس کے آرگنائزنگ چیئرمین پرنسپل ڈاکٹر محمد زبیر، کنوینر ڈاکٹر جاوید احمد خان کو آرڈینیٹر ڈاکٹر سیم احمد ، کو کو آرڈینیٹر ڈاکٹر سید منہاج، کالج کے سی۔ ای ۔ او۔ ڈاکٹر عبد الماجد اور محمد یہ طبیہ کالج اسٹاف انتظامیہ کمیٹی میں شامل ہیں۔
0 تبصرے