جنم داخلہ معاملہ: کارروائی اور گرفتاریوں کے پس منظر میں ماںٔیناریٹی ڈیفینس کمیٹی کی جانب سے ہنگامی عوامی میٹنگ کا اعلان

مالیگاؤں (پریس ریلیز) شہر میں گزشتہ کئی دنوں سے بنگلہ دیشی و روہنگیا کے نام پر وسیع پیمانے پر کارروائی کی جارہی ہے۔ بی جے پی لیڈر کریٹ سومیا کی شکایت پر مہاراشٹر حکومت نے خصوصی تحقیقاتی ٹیم (SIT) تشکیل دے کر اس مہم کو مزید تیز کر دیا ہے، جس کے نتیجے میں کئی افراد کو گرفتار کیا جا چکا ہے۔

ان حالات میں، ماںٔیناریٹی ڈیفینس کمیٹی عوام کو قانونی مدد فراہم کرنے کے لیے سڑک سے لے کر عدالت تک سرگرم عمل ہے۔ کمیٹی کی جانب سے ایک ہنگامی عوامی میٹنگ کا انعقاد کیا جارہا ہے، جو 21 فروری بروز جمعہ شام 7 بجے سے رات 10 بجے تک، آگرہ روڈ، راشٹروادی بھون اور سماجوادی پارٹی آفس کے سامنے دگڑو آںٔیل مل گراؤنڈ پر ہوگی۔

اس میٹنگ میں وہ تمام افراد شرکت کریں جنہیں SIT، کارپوریشن یا کسی دیگر محکمے کی جانب سے نوٹس موصول ہوا ہے، یا جنہوں نے تحصیلدار آفس یا عدالت کے ذریعے جنم داخلہ حاصل کیا ہے۔ ماںٔیناریٹی ڈیفینس کمیٹی کے قانونی ماہرین اور آصف شیخ رشید، شان ہند نہال احمد، مستقیم ڈگنیٹی اور دیگر ذمہ داران ان افراد کی مکمل قانونی رہنمائی کریں گے۔

مزید، جن بچوں کی عمر چار سال سے زائد ہوچکی ہے، ان کے والدین سے بھی گزارش کی جاتی ہے کہ وہ اس میٹنگ میں ضرور شرکت کریں ان بچوں کے لئے علاحدہ سے ٹیبل لگایا جاۓ گا جہاں ایک عریضہ فارم بھراجاۓ گا اور مذید رہنمائی زمہ داران کرینگے آپ کے بچوں کا تعلیمی نقصان نہ ہو اسکے لںۓ ماںٔیناریٹی ڈیفینس کمیٹی نے اس سلسلے میں گذشتہ دنوں ممبئی منترالیہ میں نائب وزیر اعلیٰ اجیت دادا پوار سے ملاقات بھی کی تھی اور اب ممبئی ہاںٔی کورٹ میں پیٹیشن داخل کرنے کا فیصلہ ہے لہذا ایسے بچوں کا رجشٹریش ضرور کرائیں 

میٹنگ میں وقف ترمیمی بل پر بھی غور کیا جائے گا، جو حال ہی میں راجیہ سبھا میں پیش کیا گیا ہے۔ ماںٔیناریٹی ڈیفینس کمیٹی نے تمام سیکولر جماعتوں کے قائدین کو خط لکھ کر اس بل کی مخالفت کرنے کی درخواست کی ہے۔ اس حوالے سے آئندہ کے لائحہ عمل پر بھی مقررین اظہار خیال کریں گے۔ ماںٔیناریٹی ڈیفینس کمیٹی کے خلاف لگائے جانے والے بے بنیاد الزامات کا مدلل جواب بھی اس میٹنگ میں دیا جائے گا، تاکہ عوام کو اصل حقائق سے آگاہ کیا جاسکے۔

ماںٔیناریٹی ڈیفینس کمیٹی تمام سماجی اور تنظیموں سے منسلک ذمہ داران سے گزارش کرتی ہے کہ وہ اس میٹنگ میں شرکت کرکے اپنی حمایت کا اظہار کریں۔ جو تنظیمیں ماںٔیناریٹی ڈیفینس کمیٹی کے مؤقف کی حمایت کرنا چاہتی ہیں، وہ اپنے لیٹر ہیڈ پر تحریری حمایت بھی دے سکتی ہیں۔مالیگاؤں کے عوام سے گزارش ہے کہ کثیر تعداد میں اس اہم اجلاس میں شرکت کرکے اپنے حقوق کے تحفظ کے لیے بیداری کا ثبوت دیں۔

جاری کردہ: ماںٔیناریٹی ڈیفینس کمیٹی, مالیگاؤں