مالیگاؤں (پریس ریلیز) آل انڈیا مجلس اتحاد المسلمین کے مقامی رکن اسمبلی مفتی اسماعیل قاسمی نے گزشتہ دنوں ریاست مہاراشٹر کے وزیر ٹیکسٹائل سنجے ساؤکارے سے ممبئی میں ملاقات کی، اس ملاقات کے موقع پر حسن اتفاق ریاست کے دیگر پاور لوم مراکز کے سرکردہ افراد و ذمہ داران بھی موجود تھے۔ وزیر ٹیکسٹائل سنجے ساؤکارے کا مفتی محمد اسماعیل قاسمی نے استقبال کیا اور ان سے سادے پاور لوم صنعت کے مسائل کے حل اور حکومتی اسکیم کے متعلق تفصیلی بات چیت کی جس میں خصوصی طور پر پاور لوم بنکروں کیلئے بجلی کی اضافی سبسڈی کی برقراری چھوٹے بنکروں اور سادے پاور لوم کیلئے مہا یوتی حکومت کی توجہ، مالیگاؤں کیلئے ٹیکسٹائل پارک، بنکروں کیلئے سولار پینل سسٹم سہولت سمیت کئی اہم امور کی نشاندہی کی گئی، مفتی محمد اسماعیل قاسمی نے ٹیکسٹائل شعبہ میں بنائی جانے والی پالیسیوں اسکیموں کا تذکرہ کرتے ہوئے کہا کہ چھوٹے بنکروں اور سادے پاور لوم پر توجہ دی جائے تو ملک کی کروڑوں عوام کو کپڑا آسانی سے دستیاب ہوگا اور دقت نہیں ہوگی۔
کیونکہ حکومت کی جو پالیسیاں بنتی ہیں وہ جدید پاور لوم اور ٹیکسٹائل کے دیگر شعبے کیلئے ہوتی ہیں اور یہ شعبہ بیرون ملک ایکسپورٹ کی صورتحال پر منحصر رہا کرتا ہے اسی کے ساتھ ساتھ مفتی اسمٰعیل قاسمی MLA نے ریاست کے پاور لوم مراکز پر خصوصی توجہ دینے، دورہ کرنے، اور صورتحال کا جائزہ لینے، مستقبل کے اقدامات اٹھانے کئی اہم امور کی نشاندہی کروائی ہے حالیہ اسمبلی اجلاس میں گورنر کے 62 نکاتی پروگرام میں سادے پاور لوم اور ٹیکسٹائل سے منسلک پالیسی و اسکیم کو شامل نہ کرنے وغیرہ کا بھی ذکر کیا وزیر ٹیکسٹائل سے ملاقات کے وقت مفتی اسمٰعیل قاسمی کے ساتھ حافظ عبداللہ فیصل و خالد سکندر موجود تھے اس طرح کی تفصیل نمائندے کو رکن اسمبلی مفتی محمد اسماعیل قاسمی نے دی ہے.
0 تبصرے