جلوس بارانِ رحمت اور اجتماعی دعا میں شرکت کریں

مالیگاؤں (پریس ریلیز ) ۹؍اگست ۲۰۱۹ءبروز جمعہ بعدنمازعشاءدرگاہ حضرت معصوم شاہ کٹی پر آل انڈیا سنّی جمعیۃ الاسلام مالیگاؤں کے زیراہتمام ایک مشورتی میٹنگ منعقد ہوئی ۔تلاوت ِکلام پاک حافظ ابوزر انصاری،نعت پاک حافظ ذاکرفیضی،مولانا عبدالرشید مجددی،شہزاد عامر صاحبان نے پیش کی ۔میٹنگ کی صدارت مسجد اہلسنّت خانقاہِ امدادیہ کے خطیب و امام حافظ محمد صادق اشرفی نے انجام دی ۔میٹنگ کی غرض و غایت حافظ محمد اسماعیل اشرفی صاحب نے پیش کرتے ہوئے کہا کہ موجودہ حالات میں پورے دیش میں مسلمانوں کی حالت انتہائی خراب ہے ۔شہری ،کاروباری حالت بھی مند ی کا شکار ہے ۔باالخصوص بارش کے تین ماہ گذرجانے کے بعدبھی بارانِ رحمت ہم سے روٹھی ہوئی ہے ۔اِس پر لائحہ عمل طئے کرنا اور مشورہ دیں کہ آگے کیا کرنا چاہے ۔حاضرین میں الحاج یوسف الیاس سیٹھ،حاجی اطہر حسین اشرفی ،خطیب ملت صوفی انیس احمد قادری و دیگر افراد نے اپنے مشوروں سے نوازا ۔نقیب ِملت صوفی نورالعین صابری صاحب نے بتایاکہ مورخہ ۱۱؍اگست ۲۰۲۳ءبروز جمعہ بعدنمازِ عشاء جلوس بارانِ رحمت درگاہ حضرت معصوم شاہ کٹی سے محفل میلاد کے ذریعئے نکلے گا اور درگاہ حضرت بھیکن شاہ پر درود وسلام اور اجتماعی دعا پر اختتام پذیر ہوگا ۔

لہٰذا تما م ہی کلبوں ،اداروںومذہبی وملی تنظیموں سے گذارش ہے کہ جلوس بارانِ رحمت میں شرکت فرمائیں ۔ساتھ ہی ساتھ شہریان سے اپیل ہے کہ جلوس بارانِ رحمت اوراجتماعی دعا کیلئے بعدنمازِ عشاء درگاہ حضرت معصوم شاہ کٹی پر جمع ہوں. حاضرین میں محمد عارف نوری،فیاض قدیری،حافظ افتخار اشرفی،حافظ محمد فاروق ،سیٹھ ایوب صاحب ،انصاری نصیر احمد رضوی ،محمد اعظم چشتی ،عابدکاملی،سیٹھ ابوبکر،سیٹھ کامل،راجو میمن،خلیل پھنی والے ،ایوب مستری،سیٹھ محمد یعقوب رضوی،مولانا یوسف چشتی ،حاجی شکیل احمددرگاہی و دیگر معزز مہمانان،مدرسین ،دارالعلوم کے طلباء کثیر تعدادمیں ،ادارے ،تنظیموں کے افراد شریک رہے ۔کل بروزجمعہ نمازجمعہ سے قبل موجودہ حالات ،شہر کی مندی اور بارانِ رحمت پر خطاب اور بعدنمازِ عشاء جلوس بارانِ رحمت کیلئے اعلان فرمائیں ۔تمام مساجد کے ذمہ داران و خطیب عظام سے باالخصوص گذار ش ہے ۔ایسی تحریری اطلاع صوفی بلال احمد صابری واراکین سنّی جمعیۃ الاسلام نے دی ہے۔