منصورہ انجینئرنگ کالج اور اسپیڈ کوٹا کے زیر اہتمام کامیاب موٹیویشنل فیسٹ

طلبہ دوران تعلیم اور کریئر اپنے قیمتی وقت کو ٹی وی اور انٹرنیٹ پر فضول برباد نہ کریں: سونو شرما (موٹیویشنل اسپیکر )

کامیابی حاصل کرنے کیلئے ڈسپلن، خود اعتمادی، قوت ارادی، مستقل جدو جہد اوربلند حوصلہ ضروری

 

مالیگاؤں ( پریس ریلیز) شہر کی تاریخ میں پہلی مرتبہ اتنے بڑے پیمانے پر موٹیویشنل فیسٹ پروگرام کا انعقاد منصورہ انجینئرنگ کالج اور اسپیڈ کوٹا (آئی آئی ٹی اینڈ میڈیکل انسٹی ٹیوٹ )کے اشتراک سے بروز اتوار 12 فروری 2023 کو شام میں 6 بجے سے رات 10 بجے تک ایشوریہ لانس ، کیمپ میں منعقد کیا گیا۔ اس پروگرام میں ہندوستان کے مشہور موٹیویشنل اسپیکر سونو شرما نے طلبہ، اساتدہ اور والدین سے خصوصی خطاب کیا۔

جناب سونو شرما کا تعلق شہر فریدآباد، ریاست ہریانہ سے ہے۔ موصوف نے دنیا بھر کے کئی ممالک اور ملک بھر کی ڈیڑھ سو سے زائد کمپنیوں میں موٹیویشنل لیکچرس دیئے ہیں۔ موصوف گذشتہ دو دہائیوں سے کریئر گائیڈنس ، کارپوریٹ ٹریننگ ، نیٹ ورک مارکیٹنگ اور دیگر طرح کے تعلیمی و کاروباری پروگراموں میں بطور مقرر خصوصی مدعو کئے جا رہے ہیں۔

شہر مالیگاؤں میں منعقد کئے گئے موٹیویشنل فیسٹ میں سونو شرما نے طلباء و طالبات، اساتذہ اور والدین سے خصوصی خطاب کیا۔ موصوف نے زندگی میں کامیاب ہونےکے مفید اصولوں کو پیش کیا.

جن میں سے چند ڈسپلن، قوت ارادی، مستقل جدوجہد ، خود اعتمادی اور دیگر اہم موضوعات پر تبادلہ خیال کیا۔ موصوف نے اپنے زندگی کے تجربات کی روشنی میں طلبہ کی تعلیمی و کریئر کے تئیں رہنمائی فرمائی۔ انھوں نے طلبہ اور والدین سے یہ اپیل کرتے ہوئے کہا کہ اپنے گھروں کے اندر موجود ٹی وی کو بندکر دیں اور انٹرنیٹ پر فضول وقت گزاری سے بچیں۔

جامعہ محمدیہ کے سیکریٹری جناب راشد مختار کے زیر قیادت کیمپس میں مختلف تعلیمی، تحقیقی اورثقافتی تقاریب کامیابی کے ساتھ کے منعقد کی جا رہی ہیں۔ اس موقع پر مولانا مختار احمد ندوی ٹیکنیکل کیمپس کے پرنسپل ڈاکٹر عقیل احمد شاہ، پولی ٹیکنیک پرنسپل ڈاکٹر محمد اظہر، ڈیک اکیڈمیکس ڈاکٹر سلمان بیگ، ڈین ریسرچ ڈاکٹر نوید حسین ، ڈین ایڈمیشن پروفیسر شہزاد مبین، ڈاکٹر دلاور حسین ، ڈاکٹر فہد اقبال، پروفیسر عدیل انصاری، پروفیسر فیضان احمداور دیگر اسٹاف نے ڈاکٹر سونو شرما کا استقبال کیا۔