مالیگاؤں سنگمیشور قتل معاملہ: مشتبہ ملزم رفیق شاہ لوکل کرائم برانچ کے شکنجہ میں، مزید ملزمین کی تلاش جاری

مالیگاؤں (ناؤ نیوز اپڈیٹ) دن بہ دن بڑھ رہے جرائم کو لیکر شہر بھر میں چرچہ کا ماحول پیدا ہوگیا ہے۔ ایسے میں 15 اپریل 2024 کی رات 10 بجے کے درمیان سنگمیشور سانڈوا پل کے سامنے مولانا اسحاق گیٹ کے پاس ایک قتل کی واردات پیش آئی جس میں کچھ افراد کے ذریعے رفیق خان انور خان نامی نوجوان کو بے رحمی سے قتل کرنے کا واقع پیش آیا ، قتل کی اس واردات نے آنا فانا شہر بھر میں سنسنی خیز ماحول پیدا کر دیا تھا۔ واردات کی خبر ملتے ہی شہر ایڈیشنل ایس پی انیکیت بھارتی نے موقع پر حاضری لگاتے ہوئے کرائم اسپاٹ کا جائزہ لیا ، وہیں موقع پر موجود علاقے کے ذمہ دارارن  نے علاقے میں پنپ رہے جرائم اور بڑھتی نشہ آور اشیاء پر قدغن لگانے کے لئے انتظامیہ سے کومبنگ آپریشن کئے جانے کا مطالبہ کیا۔

دوسری جانب اس قتل کے فرار ملزمان کو گرفتار کرنے کے لئے پولیس نے سرچ آپریشن جاری کردیا ہے ، وہیں اس دوران خفیہ خبر موصول ہوئی کے قتل میں شامل ایک ملزم رفیق شاہ آمین شاہ عرف لمبو منماڑ ریلوے اسٹیشن کی جانب جارہا ہے۔ ذرائع سے خبر ملتے ہی ضلع ایس پی وکرم دیشمانے کی رہنمائی میں شہر ایڈیشنل ایس پی انیکیت بھارتی اور ڈی وائے ایس پی سورج گنجال کی نگرانی میں لوکل کرائم برانچ پی آئے راجو سُروے ، پی آئے سندیپ پاٹل و انکی ٹیم نے جال بچھا کر واردات کے 2 گھنٹے میں ہی ملزم رفیق شاہ کو گرفتار کرنے میں کامیابی حاصل کی ، قتل معاملے مزید گرفتاریاں ہونے کا امکان ہے ، وہیں اس معاملے میں چھاؤنی پولیس نے گناہ رجسٹر نمبر 117/024 قلم 302 ، 504 ، 506 اور 34 کے تحت مقدمہ درج کیا ہے، دیگر تحقیقات پولیس کررہی ہے۔